Fótboltamaðurinn Jóhann Berg Guðmundsson og lögfræðingurinn Hólmfríður Björnsdóttir giftu sig á lúxushóteli á Spáni hinn 16. júní síðastliðinn. Brúðkaupið var sérlega glæsilegt og virtust hjónin eiga frábæran dag með sínum nánustu.
Hótelið La Finca Resort er fimm stjörnu hótel staðsett á Alicante-svæðinu við La Finca-golfvöllinn.
Herbergi hótelsins eru glæsileg, með stórkostlegu útsýni yfir golfvöllinn eða sundlaugina.
Hótelið sérhæfir sig í brúðkaupum, enda eru þar bæði fallegir salir og útisvæði sem henta sérlega vel þegar fagna á ástinni. Á hótelinu starfar hópur fagfólks sem sér um að gera daginn ógleymanlegan.
Á hótelinu er heilsulind og glæsilegur líkamsræktarsalur, þar sem hægt er að næra bæði líkama og sál.