Sjónvarpskonan Maya Jama sendi fylgjendum sínum á samfélagsmiðlinum Instagram hlýjar kveðjur úr sólinni á Turks- og Caicoseyjum. Það virtist ekki væsa um Jama í fríinu, en af myndum að dæma skemmti hún sér konunglega.
„Það var slökkt á símanum mínum 99% af tímanum, en hér eru myndir,“ skrifaði Jama við myndirnar.
Jama naut sín á ströndinni með unnusta sínum, körfuboltamanninum Ben Simmons. Simmons leikur körfubolta í bandarísku NBA-körfuboltadeildinni og var áður með ofurfyrirsætunni Kendall Jenner.
Jama sýndi frá lúxusdvalarstað þeirra þar sem hún stillti sér upp fyrir mynd við glæsilega sundlaug.