Hönnunarperla með stórbrotnu útsýni

Villa Peduzzi er staðsett í 811 metra hæð yfir hinu …
Villa Peduzzi er staðsett í 811 metra hæð yfir hinu undurfagra Lake Como á Ítalíu. Samsett mynd

Í 881 metra hæð yfir hinu undurfagra Lake Como á Ítalíu er að finna stórglæsilega lúxusvillu, Villa Peduzzi. Ótrúleg saga liggur að baki hönnunar hússins, en það var upprunalega byggt árið 1909 af arkitektinum og verkfræðingnum Pocco Peduzzi í svokölluðum Liberty-stíl sem var áberandi á árunum 1880 til 1914 á Ítalíu. 

Húsið prýddi forsíðu Architectural Digest Germany í apríl 2020. Þar var farið yfir sögu hússins sem var endurhannað árið 2016 af ítalska arkitektinum Andrea Meirana. Innanhússhönnuðurinn Albino Daminato sá um að innrétta villuna, en í hönnun sinni sameinaði hann hinn glæsilega Liberty-stíl og blöndu af skandinavískri og japanskri hönnun.

Fjórar hæðir eru í villunni, en þar eru alls átta svefnherbergi og sex baðherbergi. Glæsileg sundlaug og sundlaugarhús eru við hlið villunnar með stórbrotnu útsýni yfir vatnið. 

Viður og marmari gefa rýmum villunnar mikinn glæsibrag og undirstrika þann mikla lúxus sem Villa Peduzzi býður upp á. Litapalletta hússins sækir innblástur í umhverfið og náttúruna, en á sama tíma þótti Daminato mikilvægt að halda í upprunalega liti hússins í anda Liberty-stílsins, sem eru ljósir tónar í bland við pastelliti. 

Hægt er að leigja villuna út á Airbnb, en nóttin þar yfir sumartímann kostar rúmlega 11 þúsund Bandaríkjadali, eða um 1,5 milljónir króna. 

Ljósmynd/Airbnb.com
Ljósmynd/Airbnb.com
Ljósmynd/Airbnb.com
Ljósmynd/Airbnb.com
Ljósmynd/Airbnb.com
Ljósmynd/Airbnb.com
Ljósmynd/Airbnb.com
Ljósmynd/Airbnb.com
Ljósmynd/Airbnb.com
Ljósmynd/Airbnb.com
Ljósmynd/Airbnb.com
Ljósmynd/Airbnb.com
Ljósmynd/Airbnb.com
Ljósmynd/Airbnb.com
Ljósmynd/Airbnb.com
Ljósmynd/Airbnb.com
Ljósmynd/Airbnb.com
Ljósmynd/Airbnb.com
Ljósmynd/Airbnb.com
Ljósmynd/Airbnb.com
Ljósmynd/Airbnb.com
Ljósmynd/Airbnb.com
Ljósmynd/Airbnb.com
mbl.is