Ivanka Trump, dóttir og fyrrverandi ráðgjafi Donalds Trumps Bandaríkjaforseta, rétt náði að tæma úr kampavínsglasinu í brúðkaupi systur sinnar Tiffany Trump áður en hún pakkaði í tösku og flaug með fjölskyldunni til Egyptalands.
Trump og eiginmaður hennar, Jared Kushner, eru nú á flakki um Egyptaland ásamt börnum sínum þremur, dótturinni Arabellu og sonunum Joseph og Theodore. Trump birti fjölda mynda úr ferðalaginu á Instagram.
Faðir Trump tilkynnti í síðustu viku að hann ætlaði að bjóða sig fram á ný sem forseti Bandaríkjanna. Hún var ekki við hlið hans líkt og áður og sendi frá sér tilkynningu í kjölfarið að hún hefði ákveðið að einblína heldur á einkalíf sitt og uppeldi barna sinna.