Magdalena prinsessa hyggst flytja aftur til Svíþjóðar í sumar en hún hefur verið búsett í Bandaríkjunum síðustu ár.
Magdalena prinsessa og eiginmaður hennar, Chris O'Neill, eiga þrjú börn á aldrinum fimm, átta og níu ára.
Margir telja flutningana vera vegna þeirra laga sem segja að erfingjar krúnunnar verða að hafa alist upp í Svíþjóð. Magdalena hefur fram til þessa fengið ákveðinn sveigjanleika gagnvart þessari klausu en nú fer yngsta barn þeirra hjóna að nálgast skólaaldur og þá þarf að huga að hinu sænska uppeldi barnanna sem eru númer 9, 10 og 11 í erfðaröðinni.