5 bestu hótelin fyrir fjölskyldur á Tenerife
Setja bókamerki
Sumarið nálgast óðum og hugur margra kominn út fyrir landsteinana. Þó sumarfríið sé mikið tilhlökkunarefni fyrir flesta getur reynst snúið að skipuleggja ferðalag fyrir alla fjölskylduna, ekki síst þegar mismunandi aldurshópar ætla að njóta saman.
Það er því ekki skrýtið að Íslendingar hafi tekið ástfóstur við Tenerife því áfangastaðurinn býður upp á eitthvað fyrir alla aldurshópa. Þangað sækja fjölskyldur í miklu mæli enda afar fjölskylduvænn staður.
Nýverið tók Trip Advisor saman fjölskylduhótelin á Tenerife sem hafa skorað hæst í ár.
1. Iberostar Selection Anthelia
Hótelið er staðsett við Fañabe-ströndina og hentar sérlega vel fyrir fjölskyldur. Alls eru þrjár sundlaugar við hótelið. Þar er einnig skemmtilegur klúbbur fyrir krakka þar sem þau geta leikið sér og stundað íþróttir.
2. Iberostar Bouganville Playa
Hótelið er staðsett við sjávarsíðuna í San Eugenio, um 200 metrum frá Playa del Bobo-ströndinni. Í barnaklúbbi hótelsins er skemmtidagskrá fyrir börnin, en þar að auki býður hótelið upp á skemmtilega leikvelli, sýningar og rennibrautir sem ættu að gleðja stutta ferðalanga.
3. Gran Melia Palacio de Isora
Hótelið er staðsett við sjávarsíðina í Alcalá og býður upp á nokkrar sundlaugar, þar á meðal eina sem er aðeins fyrir fullorðna og aðskilda sundlaug fyrir börnin með rennibraut og krakkaklúbbi.
4. Hard Rock Hotel Tenerife
Hótelið er staðsett í Adeje og státar af þremur sundlaugum og saltvatnslóni. Þar er boðið upp á úrval af afþreyingu fyrir alla aldurshópa, þar á meðal strandklúbb og krakkaklúbb fyrir börn og unglinga.
5. Dreams Jardin Tropical
Hótelið er staðsett við ströndina í Adeje, en hinn geysivinsæli vatnsrennibrautagarður Siam Park er í aðeins 3 mínútna akstursfjarlægð frá hótelinu. Það er nóg af afþreyingu fyrir börnin í krakkaklúbb hótelsins.
„Umsátursástand“
Gígbarmurinn hækkað frá því í gær
„Hvílir mikil leynd yfir þessu öllu“
„Það þarf að vinna mikinn fjölda upp“
Banna mengandi búnað sem leyfður er á Íslandi
Væri að ljúga ef ég segðist ekki stressaður
Tveir í bílnum sem lenti utan vegar
Vélsleðaslys: Þyrlan kölluð út á mesta forgangi
/frimg/1/48/53/1485390.jpg)
/frimg/1/48/64/1486409.jpg)
/frimg/6/26/626448.jpg)