Næstkomandi fimmtudag verður haldin listsýning á franska samtímalistasafninu MacLyon í borginni Lyon. Til þess að komast inn á sýninguna þarf að uppfylla eitt heldur óhefðbundið skilyrði – þú verður að vera algjörlega nakin/n.

Viðburðurinn er sá fyrri af tveimur sem haldnir verða á safninu, sem er í Lyon, en sýningin fjallar um nærveru líkamans í verkum MacLyon-safnsins. Gestir verða að afklæðast áður en þeir ganga inn á safnið á 90 mínútna sýningu þar sem spjallað er um upplifunina yfir drykkjum.

Áhugavert að upplifa sýningu nakin/n

Sýningin miðar að því að hverfa frá hugmynd hins franska heimspekings Renés Descartes: „Ég hugsa, þess vegna er ég.“ Þess í stað er því haldið fram að við séum ofar líkama okkar og að engin „hrein“ hugsun sé aðskilin frá lífveru sem skynjar og upplifir.

„Hugmynd okkar er að efast um líkamann í tilteknu rými til að sjá hvernig líkamar hafa samskipti við aðra líkama,“ sagði talsmaður listasafnsins í samtali við The Times. „Það er áhugavert að upplifa sýningu algjörlega nakin/n. Það gerir að verkum að við einbeitum okkur að eigin skynjun á okkur sjálfum,“ bætti hann við.

Tengdar fréttir

Furðulegt á ferðalögum

Benjamin varð vitni að einstöku fyrirbæri á Svalbarða

• Bjó á flugvelli í Bologna í níu mánuði
• Færir þú í nektarsiglingu?
• Ljósmynd af sofandi ísbirni hefur heillað heiminn
• Fór í dagsferð til Íslands fyrir 6.280 krónur

» Fleiri tengdar fréttir

Frakkland

Fimm magnaðar sundlaugar sem þú verður að sjá

• Þessu pakka tískudrottningar fyrir ferð til Parísar
• EasyJet flýgur á milli Íslands og Parísar
• Olga og Andri trúlofuð í borg ástarinnar
• Laufey setti upp friðarmerki í París

» Fleiri tengdar fréttir

• Blogga um frétt