Fyrrverandi barnastjarnan Hilary Duff er að njóta síðustu daga sumarsins ásamt eiginmanni sínum, Matthew Koma. Hjónin eru stödd í Mexíkó í sannkölluðu lúxus foreldrafríi. 

Duff er dugleg að deila myndum á samfélagsmiðlum og hefur hún leyft tæplega 27 milljónum fylgjenda sinna að ferðast með þeim hjónum í gegnum skjáinn. Leikkonan hefur birt myndir frá ströndinni, af parinu að njóta við sundlaugarbakkann og frá ljúfri kokteilstund við sólsetur. Það er því greinilegt að um vellíðunarferð sé að ræða.  

Duff giftist Koma árið 2019 og eiga hjónin tvær dætur, Banks Violet og Mae James. Er þetta annað hjónaband leikkonunnar, en hún var áður gift Mike Comrie og á með honum einn son, Luca Cruz.

Leikkonan fór með hlutverk í bandarísku þáttaseríunni How I Met Your Father, en þeir voru nýverið teknir af dagskrá eftir aðeins tvær seríur. 

Tengdar fréttir

Instagram

Kvæntist sinni heittelskuðu í leynilegri athöfn

• Aðdáendur AHS-þáttanna ekki sáttir með Kardashian
• Tíu kíló farin á nokkrum vikum
• Sýnir líkamann eftir þyngdartap
• Manson dæmdur til 20 klukkustunda samfélagsþjónustu

» Fleiri tengdar fréttir

• Blogga um frétt