Hollywood-stjarna á leið til Íslands

Bandaríska leikkonan Ashley Judd er á leið til Íslands í nóvember. Hún mun taka þátt í Heimsþingi kvenleiðtoga (e. Reykjavik Global Forum) sem fer fram í Hörpu dagana 13. til 14. nóvember.

Þetta verður í sjötta sinn sem heimsþingið er haldið en í fyrra tóku þátt um 500 kvenleiðtogar frá 100 löndum. Women Political Lea­ders (WPL) standa að heimsþing­inu í sam­starfi við rík­is­stjórn Íslands og Alþingi með stuðningi fjöl­margra ís­lenskra og alþjóðlegra sam­starfsaðila.

Ashley Judd á sér langan og farsælan feril að baki sem leikkona en síðustu ár hefur hún helgað sig jafnréttisbaráttunni og er ötull talsmaður kynheilbrigði kvenna um allan heim og réttinda þeirra í þeim málum og er Judd meðal annars Góðgerðarsendiherra UNFPA (United Nations Populations Fund). Þá var Judd mjög virk í Me-too hreyfingunni og var ein þeirra sem höfðaði mál gegn Harvey Weinstein á sínum tíma.

Frétt af mbl.is

Ashley Judd höfðar mál gegn Weinstein

Ashley Judd berst fyrir réttindum kvenna um allan heim og beinir sérstaklega sjónum að kynheilbrigði kvenna. Skjáskot/Instagram

• Blogga um frétt