Hin 24 ára gamla Íris Líf Stefánsdóttir hefur vakið mikla athygli á samfélagsmiðlasíðunni TikTok, en þar deilir hún góðum og hagnýtum sparnaðarráðum. Hún hefur smám saman byggt upp mikinn hóp fylgjenda, en hátt í tíu þúsund manns fylgja henni á samfélagsmiðlasíðunni.

Í gærdag deildi Íris Líf áhugaverðu myndskeiði þar sem hún útskýrði fyrir netverjum hvernig best sé að finna og bóka ódýr flug.

Ferðaráð Írisar Lífar:

• Ekki ferðast með tösku

„Ég ferðast alltaf bara með bakpoka,“ segir Íris Líf, enda getur verið rándýrt að bæta við ferðatösku hjá lággjaldaflugfélögum

• Hættu að skoða heimasíðu Icelandair

„Það eru ekki ódýr flug á heimasíðu Icelandair, nema kannski til Köben,” segir Íris Líf, sem hvetur fólk í ferðahug til þess að kynna sér Google Flights, en þar er mjög auðvelt að finna ódýr flug til áfangastaða í Evrópu og víðar.

Íris Líf gefur einnig stutta sýnikennslu um hvernig hún leitar að ódýrum flugum, meðal annars undir tíu þúsund krónum, á Google Flights. 

Leitarvélin sýnir flug frá Íslandi til Lundúna á aðeins 3.649 krónur, sem er gjöf en ekki gjald.

Tengdar fréttir

TikTok

Myndskeið sem sýnir snjókomuna í Njarðvík vekur athygli

• Táraðist þegar hún sá Justin Bieber
• TikTok sektað um 77,5 milljarða
• Íslenskur lögreglumaður sýndi listir sínar á körfuboltavellinum
• Fræg TikTok-stjarna opnar sig um ofbeldissamband

» Fleiri tengdar fréttir

• Blogga um frétt