Sjarmerandi hús til leigu á Flateyri

Á Flateyri er einstaklega fallegt hús sem nefnist Sólbakki. Húsið er afar smekklegt og er auglýst til skammtímaleigu á vefsíðunni AirBnb. Húsið rúmar átta gesti og er því fullkomið fyrir fjölskyldur eða vinahópa. 

Húsið er á tveimur hæðum og eru þrjú stór svefnherbergi í húsinu, vel búið eldhús, stór stofa og 2 baðherbergi. Stór garður er fyrir framan húsið og lítill lækur liggur skammt fyrir neðan. 

Húsið hefur nýlega verið gert upp og er staðsett í fjallshlíðinni rétt fyrir utan bæinn. Það er því einstaklega mikil ró og geta gestir notið þess að vakna við fuglasöng og hljóð í læknum sem rennur meðfram húsinu.  

Húsið er málað í skemmtilegum rauðum lit. Skjáskot/Airbnb

Eldhúsið er stórt og rúmgott. Skjáskot/Airbnb

Fallega innréttuð stofa. Skjáskot/Airbnb

Fallegt útsýni yfir Flateyri! Skjáskot/Airbnb

Stílhrein en fallega innréttuð svefnherbergi. Skjáskot/Airbnb

Útsýnið úr svefnherbergisglugganum er ekki af verri endanum. Skjáskot/Airbnb

Útiaðstaðan er stórglæsileg! Skjáskot/Airbnb

• Blogga um frétt