Sohra – borgin sem aldrei þornar
Setja bókamerki
Tengdar fréttir
Á ferðalagi
Í norðausturhluta Indlands, í ríkinu Meghalaya, liggur borgin Sohra, áður þekkt sem Cherrapunji – ein blautasta borg heims. Þar rignir nánast alla daga ársins og hefur úrkoman mælst yfir 9.000 mm á einum mánuði.
Sohra á heimsmetið í mestu úrkomu á einum mánuði og einnig á heilu almanaksári.
Þrátt fyrir stöðuga rigningu býr fólk í umhverfi sem er bæði grænt og stórbrotið – með hæðum, djúpum giljum, tignarlegum fossum og einstökum „living root bridges“, brúm sem hafa verið ræktaðar úr trjárótum í áratugi.
Bandaríski ferðabloggarinn Drew Binsky heimsótti nýverið Sohra og sýndi í myndbandi sínu Inside the Wettest City on the Planet hvernig lífið í borginni gengur sinn vanagang í þessari stöðugu rigningu.
Hann sýnir meðal annars hvernig heimamenn „brosa í gegnum skýin“, vinna, ferðast og aðlagast náttúrunni og öflum hennar – í stað þess að berjast gegn henni.
Hér má sjá myndbandið sem um ræðir:
Ferðavefurinn hefur áður birt myndskeið frá Binsky, sem er mikill Íslandsvinur. Hann hefur á undanförnum árum ferðast um allan heim, kynnst ólíkum menningarheimum og skyggnst inn í hulda heima sem fáir þekkja.
Binsky, sem kom til Íslands árið 2022 – þó ekki í fyrsta sinn – hefur nú heimsótt öll lönd heimsins, sum þeirra oftar en einu sinni. Það tók hann tólf ár að ljúka ferðinni, en á leiðinni hefur hann frætt fylgjendur sína um staði, hefðir og mannlíf og hvatt marga til að leggja land undir fót.
Tengdar fréttir
Á ferðalagi
Kristrún: Ekki hægt að gera allt fyrir alla
„Ætlað að verða bygging á heimsvísu“
„Risafréttir fyrir atvinnuuppbyggingu á Norðurlandi“
Trump talinn standa frammi fyrir þremur kostum
/frimg/1/60/84/1608402.jpg)
/frimg/1/60/83/1608384.jpg)
„Ekkert annað en morðhótun“
Fékk gögnin frá Sigríði Björk um miðnætti
„Hann var á leið heim til mín að drepa mig“
Ók röngum megin: Hvorugur í belti í banaslysi
