Hugtakið „flugvallarpabbi“ (eða Airport Dad Mode) hefur slegið í gegn á samfélagsmiðlum. Fjölmargir hafa deilt myndskeiðum af fjölskyldufeðrum sem greinilega eru í þessum svokallaða flugvallarpabbagír.

En hvað felst í því að vera flugvallarpabbi?

Jú, það er sá sem hefur allt á hreinu – alveg frá því lagt er af stað að heiman og þar til lent er á áfangastað. Þetta eru menn sem hafa ferðaáætlunina á hreinu, eru alltaf skrefi á undan, fylgjast vel með og sjá til þess að allir séu á réttum stað á réttum tíma.

Ef eitthvað af þessu á við þig, ertu líklega flugvallarpabbi:

• Þú mætir á flugvöllinn að minnsta kosti þremur tímum fyrir brottför.

• Þú ert búinn að prenta út brottfararspjöldin, þótt þau séu í símanum.

• Þú segir reglulega: „Áfram gakk.“

• Þú gengur nokkrum skrefum á undan hópnum með augun föst á brottfaraskjánum.

• Þú minnir alla á að fara á klósettið áður en farið er í gegnum öryggishliðið.

• Þú ert með passa og brottfararspjöld snyrtilega geymd í lítilli tösku.

• Þú færð létt kvíðakast þegar einhver í hópnum dregur lappirnar.

• Þú gengur að brottfararhliðinu um leið og það birtist á skjánum.

• Og þú hefur aldrei misst af flugi.

Flugvallarpabbinn vill einfaldlega að allt gangi vel og að allir komist á áfangastað, helst aðeins á undan áætlun.

Hér má sjá nokkur skemmtileg myndskeið af flugvallarpöbbum:

Tengdar fréttir

TikTok

Fagnaði fæðingu sonarins með frumlegri sængurgjöf

• Natalía Nótt tók skyndiákvörðun: „Draumar að rætast“
• „Þú sagðir að það væri búningaþema“
• Birgitta Líf: „Vandræðalegt að eiga kærasta“
• Ástin bankaði upp á í Bláa lóninu

» Fleiri tengdar fréttir

• Blogga um frétt