Undanfarna daga hefur hópur ungra listaspíra setið sumarsmiðju í Borgarbókasafninu, menningarhúsi Grófinni, og útbúið stórfengleg myndlistaverk. Verkin unnu stúlkurnar eftir verkum listamanna Artóteksins, aðferðin var frjáls og skáldaleyfið algjört.
Mikill sköpunarkraftur einkenndi hópinn og útkoman var vægast sagt glæsileg. Augljóst er að myndlistarlíf Reykjavíkurborgar á bjarta framtíð fyrir sér!
Sýningin ber nafnið Hermikrákur í höfuðið á hópnum og stendur hún frá 21. júní til 15. ágúst á fyrstu hæð, Borgarbókasafninu Grófinni. Bókasafnið hvetur gesti og gangandi að kíkja á sýninguna næst þegar þið eigið leið hjá!
Unglistakonurnar voru eftirfarandi:
Auður Erna Ragnarsdóttir
Ása Melkorka Daðadóttir
Birna Dís Baldursdóttir
Bríet Mjöll Þorsteinsdóttir
Drauma Bachmann
Eik Emilsdóttir
Fía Jónsdóttir
Kristín Guðrúnardóttir
Mirra Emilsdóttir