Hin árlega sólstöðuhátíð í Laugardalnum, Secret Solstice, stendur nú sem hæst. Fjöldi tónlistarmanna, hljómsveita og plötusnúða af ýmsum tegundum hafa komið fram og eiga eftir að koma fram í kvöld og á morgun. Tónlistin dunar, gestirnar njóta, sumir íbúar sem búa í nágrenni við dalinn kvarta en aðrir fagna nálægðinni við taktfasta tónanna.
En einn er sá angi hátíðarinnar sem ekki hefur verið áberandi og það er barnasvæðið Kátt á Solstice en frítt er fyrir gesti hátíðarinnar 10 ára og yngri. Metnaðarfull dagskrá hefur verið skipulögð í samstarfi við Kátt á Klambra sem hafa vakið mikla athygli fyrir skemmtilega viðburði fyrir börn og foreldra á Klambratúni.
Meðal þess sem fjölskyldur geta tekið sér fyrir hendur er fjölskyldujóga, krakka-rave og kennsla í starfi beatbox-listamanna. Sápukúlur eru á boðstólum og aðrir viðburður á borð við þrautabraut, ungbarnasvæði og leikir og fjör með Húlludúllunni. Fjölskyldan á mbl.is kíkti á Kátt á Solstice í dag og tók meðfylgjandi myndir. Börn og fullorðnir skemmtu sér hið besta. Inn á milli komu svolitlar dembur, sem er ekkert sem þokkalegur pollagalli vinnur ekki á því veður var annars milt notalegt.