Fjöl­skyld­an á mbl.is er í góðu sam­starfið við fjöl­skyldu­viðburðavef­inn Úllend­úl­len sem legg­ur eft­ir­far­andi til um helgina: 

Helgin er að ganga í garð enn á ný. Og það er nóg að gera. Þetta er helgi bæjarhátíðanna. Það er til dæmis ærin ástæða til að fara austur á land á Humar á Höfn á Hornafirði. Þar verður líka veðrið með skársta móti. Spáin er reyndar líka allt í lagi á bæjarhátíðinni sem er um helgina á Hólmavík. En þar skiptir sosum ekki máli hvort rignir eða sól skín í heiði. Þetta er auðvitað Hamingjudagar á Hólmavík og það er alveg sama hvernig viðrar þar, í bænum er alltaf nóg af glöðu fólki.

Ljósmynd/Aðsend

Það er feikinóg að gera um helgina fyrir hugmyndaríkar fjölskyldur.

Ef ekki er farið á bæjarhátíðir landshorna á milli þá er um að gera og fara á sýningu ungra listakvenna í Borgarbókasafni í Grófinni, ganga saman upp á næsta fjall, út í skóg eða fara í leik.

Í Heiðmörk er ratleikur í gangi fyrir alla sem vilja. Það er upplagt að kanna hanna: Ratleikurinn í Heiðmörk

Pálína Ósk Hraundal og fjölskylda hennar er mikið útivistarfólk. Hún fer stundum út í göngutúr með pönnukökudeig í flösku og steikir pönnsur á prímus: Pálína og pönnsurnar

Hér ræðir hún um bók sem hún skrifaði með fjalla- og útivistargarpinum Vilborgu Örnu Gissurardóttur. Þar er hellingur af útivistarhugmyndum: Alveg jafn gaman fyrir foreldra og börn að hlaupa í útileikjum

Góða skemmtun um helgina

Listin stendur fyrir sínu í Borgarbókasafni Grófinni. Ljósmynd/Aðsend

Laugardagur 30. júní

• Leikhópurinn Lotta er í Húsafelli og í góðu stuði á Hamingjudögum á Hólmavík: Hér er Lotta á flakki

• Hvaladagurinn mikli og ókeypis á hvalasýninguna við Gömlu höfnina í Reykjavík: Hvaladagurinn

• Ef þið viljið horfa á beina útsendingu frá HM í fótbolta þá getur öll fjölskyldan skroppið í Bíó Paradís. Ef börnin nenna ekki að horfa á keppnina þá geta þau skroppið í annan sal og horft á barnamynd. Fullorðnir geta líka gert það: HM-bíó fyrir börnin

• Gríðarleg hamingja á Hamingjudögum á Hólmavík: Eintóm sæla

• Hellingur í boði á Humarhátíðin á Höfn: Humar um sumar
• Leikfélag Kópavogs er að fara með leiksýningu til Litháen í ágúst. Þetta borgar sig ekki sjálft og þess vegna efnir félagið til Flóamarkaðar: Flóamarkaður Leikfélags Kópavogs

Sunnudagur 1. júlí

• Margir þekkja Barnadaginn í Viðey. Þetta er ferðalag á báti út í eyju þar sem boðið er upp á allskonar fyrir alla fjölskylduna: Barnadagur í Viðey
• Fornbílaklúbbur Íslands sýnir helling af gömlum eðalvögnum á Fornbíladeginum á Árbæjarsafni
• Eintóm hamingja fyrir vestan: Hamingjudagar á Hólmavík
• Hellingur af tónlistarfólki kemur fram á Humarhátíðinni á Höfn. Þar eru líka hoppukastalar og kassabílarallí – og er þá fátt nefnt: Humarhátíðin á Höfn
  
  

Færslan fyrir helgina á Úllendúllen vefnum.

Tengdar fréttir

Helgin framundan

Hvað getur fjölskyldan gert saman um helgina?

• Þórunn Arna og fjölskylda kunna að halda partí
• „Ekki frábær þegar kemur að því að skipuleggja mig fram í tímann"
• Hvað ætli sé hægt að gera um helgina?
• Rabarbari, búktal og hermikrákur um helgina

» Fleiri tengdar fréttir

• Blogga um frétt