Skírn yngsta prins Bretaveldis fór fram í gær við hátíðlega en þó hófstillta athöfn í konunglegu kapellunni í St. James höllini í London í gær. Honum hafði áður verið gefið nafnið Louis Arthur Charles, sem útleggst Lúðvík Artúr Karl á ylhýra. Athöfnin var einföld og aðeins nánasta fjölskylda og vinir mættu til skírnar.
Litli prinsinn svaf vært í fangi Katrínuar móður sinnar meðan á skírninni stóð, algerlega ómeðvitaður um allt tilstandið í kringum hann en athöfnin stóð í um 40 mínútur, en hún hélt einnig á honum inn í kapelluna.
Eins og sjá má á myndunum er Lúðvík litli algert krútt en þetta er í annað skipti sem hann er sýndur á opinberum vettvangi frá því hann fæddist þann 23. apríl sl. Þá mættu foreldrar hans á tröppur sjúkrahússins þar sem hann fæddist, St. Mary´s í Paddington, og sýndu hann almenningi, sem hafði safnast saman fyrir utan sjúkrahúsið, og fjölmiðlum.
Lúðvík er annar yngsti meðlimur konungsfjölskyldunnar, en Meghan Markle er enn nýjust en hún var gerð að hertogaynju í kjölfar brúðkaups síns og Harry í maí sl. Hann er jafnfram sá fimmti í röðinni til að erfa bresku krúnuna á eftir prinsunum Karli, Vilhjálmi, Georg, og prinsessunni Karlottu.
Byggt á umfjöllun í HelloMagazine