Eldri hluti Ronaldo-fjölskyldunnar, fótboltaknappinn knái Cristiano Ronaldo eldri og kærastan hans Georgina Rodríguez ásamt Cristiano Ronaldo yngri, átta ára, fagnar nú fríi á lystisnekkju við Sardínu á Ítalíu en myndir náðust af þeim nýlega og birtust í Daily Mail þar sem þau sleikja sólina. Athygli hefur vakið í hversu góðu formi parið er en aðeins er um 10 mánuðir síðan Georgina eignaðist dóttur hjónaleysanna.  

Kósí hjá Ronaldofjölskyldunni. Kærastan heitir Georgina Rodríguez og eldri sonur Ronaldo er sagður vera smágerð útgáfa af frummyndinni, en Christiano yngri er átta ára. Tvíburarnir Eva Maria og Mateo fæddust með aðstoð staðgöngumóður í júní í fyrra og Alana Martina er dóttir Georginu og Christianos en hún fæddist í nóvember sama ár, fimm mánuðum á eftir tvíburunum. Ljósmynd/Skjáskot

Þrjú börn bættust í hópinn í fyrra

Ekki kemur fram í umfjölluninni hvar yngri hluti fjölskyldunnar heldur sig en það bættist hressilega í fjölskylduna í fyrra þegar Cristiano eignaðist tvíbura, strák og stelpu, í júní með aðstoð staðgöngumóður og fimm mánuðum síðar eignaðist hann dóttur með kærustunni Georginu þannig að þau þrjú munu að öllum líkindum alast upp sem hálfgerðir þríburar. 

Peningar eru líklega ekki vandamálið í þessu fríi en Cristiano Ronaldo er launa­hæsti leikmaður­inn í ít­ölsku A-deild­inni í knatt­spyrnu en Portúgal­inn yf­ir­gaf Evr­ópu­meist­ara Real Madrid í sumar og samdi við Ítal­íu­meist­ara Ju­vent­us. 

Frétt af mbl.is

Með þrefalt hærri laun en sá næsti

Ju­vent­us borgaði 100 millj­ón­ir evra fyrir hann í sum­ar og sam­kvæmt heim­ild­um ít­alska blaðsins Gazzetta dello Sport fær Ronaldo 31 millj­ón evra í laun á ári sem jafn­gild­ir 3,9 millj­örðum króna. Það er því líklegt að hægt hafi verið að greiða fyrir gæðapössun fyrir yngri hluta fjölskyldunnar  meðan Cristiano eldri, Georgina  og Cristiano yngri nutu lífsins. 

Tengdar fréttir

Frægar fjölskyldur

Þurftu að tilkynna nafnið extra snemma

• Sonur Berglindar og Kristjáns kominn með nafn
• „Getum ekki beðið eftir þér lengur“
• Reykjavíkurdóttir á von á öðru barni
• Jóhanna og Geir greindu frá kyninu með ofurkrúttlegu myndbandi

» Fleiri tengdar fréttir

• Blogga um frétt