Lét börnin gefa dótið sitt

Kourtney Kardashian er samfélagslega ábyrg og kennir börnum sínum góða siði. Samkvæmt frétt Mail Online fór hún með börn sín, Penelope (sex ára) og Mason (átta ára), í Watts Empowerment-miðstöðina í Los Angeles til að gefa leikföngin sín. Staðurinn er rekinn fyrir börn og unglinga sem þurfa á aðstoð að halda.  Í haust er markmiðið að öll börn sem koma í miðstöðina fái skólatösku með pennaveski og fleiri nauðynjavörum í.

Kardashian-systirin fór með fulla poka af leikföngum í miðstöðina. Að gefa hluti sem ekki eru notaðir er bæði samfélagslega ábyrg hugsun og einnig gott uppeldi.

Kardashian-systirin lét ekki eitthvert drasl af hendi rakna heldur lét börnin sín gefa falleg og fín leikföng sem lítið eða ekkert sást á. Hún segir að það skipti máli að pakka hlutunum fallega inn. 

Það velur enginn hvar hann fæðist og stundum er sagt að það þurfi heilt þorp til að ala upp barn. Framtak fjölskyldunnar er fallegt og öðrum til eftirbreytni. Ef þú vilt gera slíkt hið sama getur þú farið með leikföng og fatnað í gáma Rauða krossins. 

• Blogga um frétt