Áttu lítinn lestrarhest sem finnst gaman að gera sér glaðan dag? Ef svo er þá er sýningin Barnabókaflóðið í Norræna húsinu án efa eitthvað fyrir barnið þitt. Sýningin opnar klukkan 15.00 í dag og er aðgangur ókeypis.
„Öllum skapandi krökkum og aðstandendum þeirra er boðið að vera með á opnuninni og fá svo hressingu í salnum á efri hæð hússins. Barnabókasafnið verður að sjálfsögðu opið með bækur, spil og skemmtileg leikföng – og ef veður leyfir er gaman leika í kringum húsið og borða nesti í gróðurhúsinu,“ segir í fréttatilkynningu.
Á sýningunni er boðið upp á:
*Búningaleik
*Lestrarhorn
*Ljóðagerð
*Sögugerð
*Slökun
*Föndur
*Og alls konar óvænt