Embla og Janus Daði eiga von á barni

Embla Jónsdóttir og Janus Daði Smárason eiga von á sínu …
Embla Jónsdóttir og Janus Daði Smárason eiga von á sínu fyrsta barni saman. Skjáskot/Instagram

Embla Jónsdóttir hjúkrunarfræðingur og handboltakappinn Janus Daði Smárason eiga von á sínu fyrsta barni saman.

Parið tilkynnti nýverið gleðifregnirnar og greindu frá því að þau ættu von á stúlku. Embla birti mynd á Instagram þar sem hún skartar fallegri óléttukúlu og skrifaði: „Lítil Janusardóttir mætir í haust.“

Ásamt því að spila með íslenska landsliðinu í handbolta hefur Janus Daði leikið með þýska liðinu SC Magdeburg á þessu tímabili, en hann er nú á leiðinni til ungverska stórliðsins Pick Szeged og skrifaði undir tveggja ára samning við félagið í desember síðastliðnum. 

Systurnar samferða

Það er mikið barnalán í fjölskyldunni, en í apríl síðastliðnum tilkynnti systir Emblu, Nótt Jónsdóttir, að hún ætti von á sínu öðru barni með handboltakappanum Sigvalda Birni Guðjónssyni, sem hefur einnig leikið með Janusi Daða í íslenska landsliðinu undanfarin ár. 

Fyrir eiga Nótt og Sigvaldi soninn Jökul sem kom í heiminn þann 22. september 2022. 

Fjölskylduvefur mbl.is óskar þeim innilega til hamingju! 

mbl.is
Fleira áhugavert
Fleira áhugavert