Keppendur í Biggest Loser fengu nýtt útlit

Í síðasta þætti af Biggest Loser Ísland fengu keppendur að skreppa frá Bifröst og í borgina þar sem útlitið var tekið í gegn. Keppendur byrjuðu á hárgreiðslustofunni Járnsöxu þar sem allir fengu nýja klippingu og stelpurnar fengu förðun. Þá var förinni heitið í verslunarleiðangur og kom það flestum keppendum á óvart að þau gátu verslað föt sem voru nokkrum númerum minni en venjulega.

„Ég vildi líta út eins og Fergie ég veit ekki hvort hún var alveg til í að breyta mér svona mikið,“ segir Daria sem var himinlifandi með nýju hárgreiðsluna. „Það var mjög gaman og eitthvað sem við vorum allar búnar að bíða eftir, og örugglega líka Hjörtur, að fá að klippa hárið á sér,“ segir Arna sem var einnig í skýjunum með að breyta til.

Eygló var einna ánægðust með að komast í klippingu en henni þótti vera kominn tími til. „Ég held ég eigi eiginlega ekki til orð yfir hvernig hárið á mér var orðið, mig hlakkar ekki til að sjá mig í sjónvarpinu með þetta hár sem ég var með,“ segir Eygló.

Stelpurnar voru síðan dressaðar upp í versluninni Curvy í Skeifunni en Hjörtur nældi sér í nýtt dress í Dressmann í Smáralindinni. „Ég var að fara niður um eitt X í peysum og skyrtum. Ég var að versla gallabuxur í 46 og núna í 42 þannig að ég var að fara niður um fjögur númer og þetta kom alveg rosalega smart út þannig að ég var mjög ánægður með þetta,“ segir Hjörtur sem þó þurfti að kveðja í síðasta þætti.

Næsti þáttur af Biggest Loser Ísland verður sýndur í opinni dagskrá í Sjónvarpi Símans annað kvöld en þá verða það aðeins stelpurnar sem etja kappi.

mbl.is
Biggest Loser
Almar Þór Þorgeirsson Almar Þór Þorgeirsson
Aldur: 43 ára
Byrjunarþyngd: 129,9 kg
Arna Vilhjálmsdóttir Arna Vilhjálmsdóttir
Aldur: 26 ára
Byrjunarþyngd: 154,2 kg
Dagbjört Ben Guðfinnsdóttir Dagbjört Ben Guðfinnsdóttir
Aldur: 34 ára
Byrjunarþyngd: 116,9 kg
Dagný Ósk Bjarnadóttir Dagný Ósk Bjarnadóttir
Aldur: 25 ára
Byrjunarþyngd: 131,4 kg
Daria Richardsdóttir Daria Richardsdóttir
Aldur: 36 ára
Byrjunarþyngd: 117,9 kg
Eygló Jóhannesdóttir Eygló Jóhannesdóttir
Aldur: 38 ára
Byrjunarþyngd: 155 kg
Guðjón Bjarki Ólafsson Guðjón Bjarki Ólafsson
Aldur: 28 ára
Byrjunarþyngd: 153,2 kg
Helgi Már Björnsson Helgi Már Björnsson
Aldur: 20 ára
Byrjunarþyngd: 161,6 kg
Ragnar Anthony Svanbergsson Ragnar Anthony Svanbergsson
Aldur: 27 ára
Byrjunarþyngd: 183,7 kg
Svanur Áki Ben Pálsson Svanur Áki Ben Pálsson
Aldur: 19 ára
Byrjunarþyngd: 178 kg
Ólafía Kristín Norðfjörð Ólafía Kristín Norðfjörð
Aldur: 28 ára
Byrjunarþyngd: 113,7 kg