Miðar á útgáfutónleika Nylon seldust upp á klukkutíma

Miðar á útgáfutónleika Nylon í Smáralind 4. nóvember seldust uppá innan við klukkutíma en miðarnir fóru í sölu klukkan 12:00 á hádegi í dag. Ákveðið hefur verið að halda auka tónleika kvöldið eftir sem er föstudagskvöldið 5. nóvember. Þeir tónleikar verða einnig í Smáralind.

Platan 100% Nylon er væntanleg í verslanir þann 28. október næstkomandi. Platan inniheldur 11 lög sem flest eru eftir Einar Bárðarson og Friðrik Karlsson og þau Einar og Alma Guðmundsdóttir, ein Nylon-stúlknanna, sömdu textana. Á plötunni er einnig að finna tvö eldri lög sem Nylon gáfu nýtt líf í sumar, en þau eru, Lög unga fólksins eftir þá Dr. Gunna og Þór Eldon og Einhvers staðar einhvern tímann aftur eftir Magnús Eiríksson.

• Blogga um frétt