Bob Dylan í fyrsta sjónvarpsviðtalinu í 19 ár: „Ég er enginn spámaður“

Bob Dylan
Bob Dylan ap

"Þetta voru lög, ekki predikanir," sagði Bob Dylan um tónlist sína í fyrsta sjónvarpsviðtalinu sínu í 19 ár, sem hann veitti fréttaskýringaþættinum 60 mínútum á CBS-stöðinni í Bandaríkjunum.

Í viðtalinu, sem Ed Bradley tók við hann, lagði Dylan ríka áherslu á að honum þætti lög sín ekki nándar nærri eins merkingarfull og aðdáendur hans hafa haldið fram.

"Ef þú skoðar lögin ofan í kjölinn þá efast ég um að þú finnir nokkuð sem gefur til kynna að ég sé talsmaður fyrir einhvern eða eitthvað."

Hið 63 ára gamla söngvaskáld sagði í viðtalinu að honum þætti óþægilegt að vera settur á stall sem helgimynd eða goðsögn.

"Ég vildi aldrei verða neinn spámaður eða bjargvættur. Kannski Elvis. Ég gat vel hugsað mér að verða hann. En spámaður? Nei."

Hann bætti við: "Þetta var eins og vera staddur í miðri sögu eftir Edgar Allan Poe og maður er bara einhver allt önnur persóna en allir halda og ákalla stöðugt."

Dylan gaf lítið fyrir að lag hans "Like A Rolling Stone" frá 1965 skuli á dögunum hafa verið valið mesta rokklag allra tíma af tímaritinu Rolling Stone.

"Kannski í dag, já. En veistu, með svona lista, þeir taka stöðugum breytingum, í alvöru. Því er ég ekki að lyfta mér mikið upp við þetta," sagði hann í viðtalinu sem verður sjónvarpað á morgun, sunnudag.

Tilefni þessa tímamótaviðtals er að um þessar mundir kemur út fyrsta bindi endurminninga Dylans - Chronicles, Vol. 1.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Fleira áhugavert

Stjörnuspá »

Hrútur

Sign icon Vinur þinn gæti borið undir þig hugmynd að sparnaði í tengslum við ferðalög í dag. Allar fjármálaumræður dagsins geta fært þér hagnað þegar til lengri tíma er litið.
síðasta vika Vinsælustu hljóðbækurnar
1
Laila Brenden
2
Erla Sesselja Jensdóttir
3
Sigríður Dúa Goldsworthy
4
Lars Kepler
Fleira áhugavert

Stjörnuspá »

Hrútur

Sign icon Vinur þinn gæti borið undir þig hugmynd að sparnaði í tengslum við ferðalög í dag. Allar fjármálaumræður dagsins geta fært þér hagnað þegar til lengri tíma er litið.
síðasta vika Vinsælustu hljóðbækurnar
1
Laila Brenden
2
Erla Sesselja Jensdóttir
3
Sigríður Dúa Goldsworthy
4
Lars Kepler