Borgarstjórn Parísar hefur samþykkt að gera bandaríska kvikmyndaleikarann Tom Cruise ekki að heiðursborgara vegna aðildar hans að Vísindakirkjunni.
Cruise og unnusta hans, leikkonan Kathie Holmes, opinberuðu trúlofun sína fyrir mánuði í Eiffelturninum í París en Cruise var þá á ferð í Frakklandi til að kynna kvikmyndina War of the Worlds. Borgaryfirvöld í Marseille gerðu Cruise að heiðursborgara þegar hann kom þangað.
Frönsk stjórnvöld líta á Vísindakirkjuna, sem bandaríski rithöfundurinn L. Ron Hubbard stofnaði í Bandaríkjunum árið 1954, sem hættulegan sértrúarsöfnuð.