Fundað um örlög Silvíu Nætur í söngvakeppninni

Ágústa Eva Erlendsdóttir betur þekkt sem Silvia Nótt tekur þátt …
Ágústa Eva Erlendsdóttir betur þekkt sem Silvia Nótt tekur þátt í undankeppninni en nú er verið að funda um örlög lagsins. mbl.is/Eggert Jóhannesson

Sú óvenjulega staða hefur komið upp að lag, sem er í undankeppni RÚV fyrir söngvakeppni evrópskra sjónvarpsstöðva, hefur hlotið víðtæka dreifingu á netinu og það er nokkuð sem stríðir gegn reglum keppninnar. Nú standa yfir ströng fundarhöld í höfuðstöðvum Ríkisútvarpsins og er niðurstaða í málinu væntanleg innan tíðar.

Lagið heitir Til hamingju Ísland og er í nokkuð grínkenndum stíl í flutningi Ágústu Evu Erlendsdóttur í gervi Silvíu Nætur.

Hjá framleiðslufyrirtækinu Basecamp fékk Fréttavefur Morgunblaðsins þær fregnir að fundum hefði átt að ljúka fyrir hádegi í dag en þeir hefðu dregist eitthvað á langinn. „Það er verið að reyna að leysa þetta mál á sem farsælastan hátt, það þarf að finna niðurstöðu sem hentar öllum. Þetta lag er komið út um allt og menn vita að það má ekki dreifa lagi sem keppir í Eurovision áður en forkeppnin fer fram en málið er bæði snúið og viðkvæmt,” sagði Bjarney Lúðvíksdóttir, verkefnastjóri hjá Basecamp.

mbl.is

Stjörnuspá »

Hrútur

Sign icon Þurfirðu á aðstoð að halda skaltu hafa allar klær úti og tala við þá sem valdið hafa. Gakktu ekki of nærri sjálfum/sjálfri þér þó verkefnin séu mörg.

Stjörnuspá »

Hrútur

Sign icon Þurfirðu á aðstoð að halda skaltu hafa allar klær úti og tala við þá sem valdið hafa. Gakktu ekki of nærri sjálfum/sjálfri þér þó verkefnin séu mörg.