Ljungberg of æsandi fyrir Stokkhólm

Sænska fótboltahetjan Fredrik Ljungberg klæddist nærbuxum frá Calvin Klein einum fata á á 360 fermetra auglýsingamynd, sem hengja átti upp á Stureplan í Stokkhólmi en þótti of mikil kvenremba (sæ. sexistisk). Það var skrifstofa borgarverkfræðings sem bannaði myndina.

Fréttavefur Dagens Nyheter skýrði frá því að skrifstofa borgarverkfræðings, sem á að sjá til þess að velsæmdartilfinningu Stokkhólmsbúa sé ekki misboðið, hafi bannað myndina og aðra í sömu myndaröð þar sem Ljungberg sést með fyrirsætunni Nataliu Vodianova, bæði hálf-nakin.

Þess má geta að auglýsingunum hefur gengið betur í New York, Tókýó og London þar sem þær hafa fengið að hanga uppi án ritskoðunar borgaryfirvalda.

• Blogga um frétt