Páfinn eyðilagði steggjaveislu

Tæplega tuttugu breskir vinir og kunningjar héldu til Krakow í Póllandi til að halda ærlega upp á að einn þeirra félaga, Carl Smith, væri að fara að ganga í hjónaband. Það sem þeir vissu ekki var að Páfinn, var einnig í Krakow í fjögurra daga heimsókn og til að votta honum virðingu sína létu pólsk yfirvöld banna áfengissölu á meðan dvöl hans stóð.

Fréttavefurinn Ananova hefur eftir hinum 23 ára brúðguma að hann hefði ekki trúað sínum eigin augum. Hann hafði hlakkað til þriggja daga veisluhalda með tilheyrandi áfengisdrykkju en þess í stað tefldi hann skák við félaga sína á markaðstorginu.

„Ég fékk mér kaffi með nokkrum nunnum í morgun. Þær voru ákaflega indælar en þetta er ekki mjög villt,” sagði Smith.

• 1 blogg um fréttina

Bloggað um fréttina

• Sylvía : Páfinn og túrtappar