Leoncie reynir fyrir sér í X-factor

Leoncie.
Leoncie. mbl.is
Fátt hefur heyrst frá indversku prinsessunni Leoncie eftir að hún fluttist til Bretlands. Nú er það hins vegar að gerast úti í honum heimi að „Icy Spicy" er að feta í fótspor Bjarkar, Emiliönu Torrini og Nylon og hefur lagt grunn að „meiki" í Bretlandi. Eða svona næstum því.

Ísprinsessan mætti á dögunum í áheyrnarprufu fyrir sjónvarpsþáttinn X-factor og vakti að því er virðist mikla lukku. Sharon Osbourne og Paula Abdul sjást í stuttu myndbroti á youtube.com springa úr hlátri stuttu eftir að Leoncie tekur fyrir þær lagið. Um er að ræða stutta kynningu til að hita upp fyrir þættina. Hægt er að skoða brotið á: http://www.youtube.com/watch?v=H5n9iFD3ICU . Brotið er hins vegar svo stutt að það er ekki nokkur leið að vita hvort þær séu í raun að gleðjast yfir Leoncie eða einhverju öðru.

Bloggað um fréttina