Bush ætlar í fallhlífastökk á 85 ára afmælinu

George Bush, fyrrverandi forseti Bandaríkjanna, er að íhuga að takast á við annað fallhlífarstökk á 85 ára afmælinu en hann er að jafna sig eftir að hafa farið í aðgerð í síðustu viku þar sem skipt var um hægri mjaðmalið. Þegar Bush varð áttræður fyrir tveimur árum hélt hann upp á afmælið með því að stökkva út úr flugvél í fallhlíf.

Forsetinn fyrrverandi verður 85 ára í júní 2009 og er harðákveðinn í því að halda upp á það afmæli á sama hátt og áttræðisafmælið, það er að fara í fallhlífastökk. Þangað til ætlar hann að undirbúa sig með göngutúrum en hlýða læknum í einu og öllu. Þetta kemur fram í frétt í Houston Chronicle í dag.

Bush var útskrifaður af sjúkrahúsi á laugardag. Skipt var um vinstri mjaðmalið forsetans fyrrverandi árið 2000. Eiginkona hans, Barbara, hefur einnig farið í mjaðmaskiptiaðgerð.

• 1 blogg um fréttina

Bloggað um fréttina

• Hannes Ragnar Leifsson: 85 ára maður í fallhífastökk!