Eiríkur fékk næstum fullt hús stiga

Eiríkur Hauksson verður fulltrúi Íslands í Helsinki í vor
Eiríkur Hauksson verður fulltrúi Íslands í Helsinki í vor mbl.is/Eggert
Eiríkur Hauksson fékk næstum fullt hús stiga í norræna sjónvarpsþættinum Inför ESC 2007 sem sýndur var í Ríkissjónvarpinu í kvöld. Í þættinum eru leikin lögin sem taka þátt í Söngvakeppni evrópskra sjónvarpsstöðva í ár. Eiríkur flytur lagið Ég les í lófa þínum eftir þá Svein Rúnar Sigurðsson og Kristján Hreinsson.

Dómarar frá fjórum norðurlandanna gáfu Eiríki hæstu einkunn eða fimm stig hver en Eiríki fannst ekki við hæfi að hann væri að gefa sjálfum sér stig svo hann eftirlét þáttarstjórnandanum það og gaf hann Eiríki fjögur stig.

mbl.is

Bloggað um fréttina