Hundur Mourinhos sendur til Portúgals
Setja bókamerki
Hundurinn Leya, Yorkshire terrier í eigu portúgalska knattspyrnuþjálfarans José Mourinho, er kominn aftur til Portúgals. Mikið uppnám varð í Lundúnum í vikunni þegar lögregla kom heim til Mourinhos og vildi fjarlægja hundinn en grunur lék á að hundurinn hefði verið fluttur út úr Bretlandi og síðan aftur inn án þess að lög um sóttkví hefðu verið virt.
Lögmaður Mourinhos sagði í dag, að Leya væri nú komin aftur til Portúgals í fylgd Tami, eiginkonu José og þetta hefði gerst með fullri vitneskju og í samvinnu við bresk stjórnvöld.
„Mourinho æskir þess, að fá að einbeita sér að verkefni sínu með Chelsea á morgun án þess að vera spurður stöðugra spurninga um þetta mál, sem nú er lokið með sátt," sagði lögmaðurinn. Málið hefur verið mikið til umfjöllunar í breskum fjölmiðlum eftir að Mourinho var handtekinn fyrir að hindra störf lögreglumanna sem vildu fjarlægja hundinn.
Chelsea mætir Manchester United á morgun í úrslitaleik bresku bikarkeppninnar í knattspyrnu.
Sárt að horfa upp á illa meðferð fjármuna
„Menn eru bara búnir að forgangsraða“
Innviðir þandir og álagið „gríðarlegt“
Ísraelar hefna árásarinnar
Ofsóttur innan veggja Boeing
Segjast hafa skotið niður langdræga sprengjuvél
Gerir ráð fyrir 150 samningum í næstu viku