Fannst Birgitta Haukdal of gul

Litarhaft söngkonunnar Birgittu Haukdal í Laugardagslögunum varð bloggaranum Jens Kr. Guðmundssyni að hugðarefni, en hann fann mjög að brúnkukremi hennar og sagði húðlit söngkonunnar vera „kjánalega gulan" á bloggi sínu.

Víst er að þetta hefur verið mikil lífsreynsla fyrir Jens, því hann tekur einnig fram að það hafi verið „hræðilegt að sjá þetta".

Í kjölfar bloggsins sá Birgitta sér leik á borði og sendi jólakort til Jens þar sem stóð: „Elsku Jens Guð. Ég óska þér gleðilegra jóla og vona að þú hafir það yndislegt. Þín Birgitta H. P.S. Töfrakremið heitir Beautiful 4 ever."

Birgitta segist þó ekki hafa séð bloggið að fyrra bragði. „Tvær frænkur mínar voru í skrautskriftarnámskeiði hjá honum og höfðu séð þetta og fóru að ræða þetta við hann. Mér fannst þetta svo fyndið að ég skrifaði jólakort til hans sem þær komu til skila. En ég get alveg viðurkennt að ég notast stundum við svona krem þegar mikið stendur til, en annars er ég meðfrekar dökka húð fyrir, þannig að ég þarf mjög lítið ef mér finnst ég vera einstaklega föl!"

mbl.is

Bloggað um fréttina

Stjörnuspá »

Hrútur

Sign icon Reyndu að skipuleggja þig því annars er hætt við að hlutirnir fari úr böndunum og þú standir eftir með sárt ennið. Fólk er almennt samvinnuþýtt og opið fyrir skoðunum annarra í dag.

Stjörnuspá »

Hrútur

Sign icon Reyndu að skipuleggja þig því annars er hætt við að hlutirnir fari úr böndunum og þú standir eftir með sárt ennið. Fólk er almennt samvinnuþýtt og opið fyrir skoðunum annarra í dag.