Vilja að Klapparstíg 30 verði þyrmt

Skakkamanage á tónleikum á Sirkus um síðustu helgi.
Skakkamanage á tónleikum á Sirkus um síðustu helgi. Árvakur/G. Rúnar

Hr. Örlygur, sem hefur skipulagt tónlistarhátíðina Iceland Airwaves, skorar á  menntamálaráðherra, borgarstjóra og borgaryfirvöld í Reykjavík að leggjast af fullum krafti og þunga gegn núverandi áformum um að Klapparstígur 30 verði rifinn. Þar er nú veitingahúsið Sirkus til húsa.

„Við vonumst til að húsafriðunarnefnd, Ferðamálastofa og hagsmunaðilar innan ferðaþjónustunar láti í sér heyra til verndunar þessa kennileitis og aðdráttarafls fyrir erlenda ferðmenn. Sem og að aðrir sem starfa að tónlistar- og menningarlífi í landinu leggi sitt lóð á vogaskálarnar til að forða því menningarslysi sem nú er í uppsiglingu," segir í yfirlýsingunni frá Hr. Örlygi.

Undir yfirskriftinni Látíð í bæ kom fjöldi tónlistarmanna saman á Sirkus um síðustu helgi til að mótmæla niðurrifi miðborgarinnar. Skoruðu tónlistarmenn  þar á yfirvöld að viðhalda og vernda menningarminjar miðborgarinnar. Í yfirlýsingu þeirra segir: „Sirkus og reyndar allur sá reitur sem húsnæði barsins stendur á tákngerir vel þá "allsherjartiltekt" sem fara á fram í miðbænum þar sem sérstæða miðbæjarins og fjölskrúðugu mannlífi hans er fórnað." 

mbl.is

Bloggað um fréttina

Stjörnuspá »

Hrútur

Sign icon Nú verður þú að setjast niður og skrifa lista yfir þau verkefni sem þú hefur látið hrúgast upp að undanförnu. Vertu tilbúinn að deila leyndarmálinu með vini.

Stjörnuspá »

Hrútur

Sign icon Nú verður þú að setjast niður og skrifa lista yfir þau verkefni sem þú hefur látið hrúgast upp að undanförnu. Vertu tilbúinn að deila leyndarmálinu með vini.