Hætti með Söru vegna brjóstastækkunar
Setja bókamerki
George Clooney hætti með Söru Larson vegna þess að hún fór í brjóstastækkun, að því er bandarískt slúðurtímarit hefur eftir heimildamanni. Áður hafa borist af því fregnir að hann hafi slitið sambandinu vegna þess að hún talaði of mikið.
Alveg er óljóst hvort eða hvað er hæft í þessum sögusögnum.
En tímaritið In Touch Weekly segir að Sara, sem er 29 ára, hafi spurt Clooney álits á því hvort hún ætti að fara í brjóstastækkun, en hann hafi ráðið henni eindregið frá því. Þrátt fyrir það hafi hún farið í aðgerðina og sé hæstánægð með árangurinn.
Er hún að hugsa um að sitja fyrir nakin á myndum í Playboy. „Nú þegar hún er orðin fræg kemur ekki til greina að hún snúi sér aftur að þjónustustörfum,“ sagði ofangreindur heimildamaður, en Sara var þjónustustúlka á bar í Las Vegas þegar Clooney kynntist henni.
Heimildamaðurinn lætur ennfremur hafa eftir sér að Sara hafi ekki vitað af sambandsslitunum fyrr en hún las um þau í blöðunum.
Skemmtiferðaskip hætt komið nærri Viðey
Shakespeare fannst í skókassa
Banna mengandi búnað sem leyfður er á Íslandi
Veiting hvalveiðileyfis ekki brot á EES-samningi
Æskuvinur Íslendings myrtur í Noregi
Skiptir miklu meira máli en fólk grunar
Sex hafa greinst með listeríu
„Hvílir mikil leynd yfir þessu öllu“