Bandaríska leikkonan Teri Hatcher leyfir hundinum sínum að sofa uppi í rúminu sínu. Hún segir það ágætt, þótt það komi svolítið niður á ástalífi hennar.
„Ég fékk mér bolabít sem heitir Jack. Hann tekur kannski ekkert svakalega mikið pláss í rúminu en hann hrýtur hins vegar töluvert þannig að ég þarf alltaf að vera með eyrnatappa,“ segir Hatcher.
Jack er langt frá því að vera fyrsta gæludýr hinnar 44 ára gömlu leikkonu því fyrir átti hún tvo aðra hunda, þrjá ketti, kanínu, tvo fugla og hest.