Hótelerfinginn og veislusnótin Paris Hilton hefur lýst yfir áhuga á að syngja dúett með Paul McCartney. Stúlkan, sem gaf út plötuna Paris árið 2006, króaði Bítilinn af í boði að lokinni Grammy-verðlaunahátíðinni og bar þar upp tilboðið. Að sögn breska dagblaðsins The Sun mun Paris hafa sagt: „Það væri frábært ef við gætið sungið saman. Ég er líka söngvari og hef gefið út plötu.“ Að sögn sjónarvotta var Paul hinn kurteisasti; brosti, kinkaði kolli og sagði svo að hann þyrfti að athuga í dagbókinni sinni hvort hann hefði tíma. Að því loknu mun Paris hafa vikið talinu að hári McCartneys og sagt: „Það er mjög Bítlalegt. Ógesslega sætt!“

Tengdar fréttir

Paris Hilton

Paris í það heilaga?

• Er enn ástfangin af Madden
• Viltu vera vinur minn?
• Hirst kaupir portrett af Paris
• París hjálpar veikum börnum

» Fleiri tengdar fréttir