Bandaríska tónlistarkonan Britney Spears kemur í dag fram á sínum fyrstu tónleikum í Rússlandi. Verða tónleikarnir haldnir í Pétursborg og eru þeir hluti af fyrstu stóru tónleikaför söngkonunnar í mörg ár.
Marianna Lyubina, sem kemur að skipulagningu tónleikanna í Pétursborg, segir að mikill áhugi sé á þeim en miðinn kostar frá 1.500 rúblum, sex þúsund krónur, í 25 þúsund rúblur, um 100 þúsund krónur. Segir hún að ódýrustu og dýrustu miðarnir hafi farið fyrst.
Tónleikaferðin, sem nefnist Circus, hófst í mars með tónleikum í New Orleans en Spears hefur gert lítið af því að koma fram á tónleikum undanfarin fimm ár.