Í kjól á knattspyrnuæfingu

Björgvin Karl Gunnarsson, leikmaður 2. deildar liðs Hattar í knattspyrnu …
Björgvin Karl Gunnarsson, leikmaður 2. deildar liðs Hattar í knattspyrnu á æfingunni í gærkvöldi. Austurglugginn

Leikmenn sem fá rauða spjaldið sæta oft ýmsum refsingum hjá liðum sínum. Í sumar sömdu leikmenn Hattar um það sín á milli að þeir sem reknir eru út af þurfa að mæta í kjól á seinustu æfingu fyrir næsta leik. Í gærkvöld mætti Björgvin Karl Gunnarsson klæddist gráum kjól á æfingu, að sögn Austurgluggans.

„Þetta var allt í lagi. Það er ekki spennandi að fara í kjólinn en það lyftir móralnum í liðinu. Hann er teygjanlegur og fínn. Strákarnir voru ósáttir við að ég væri ekki fáklæddur undir kjólnum, helst bara í stuttbuxum og ber að ofan en ég var ekki til í það kvefaður í átta stiga hita,“ sagði Björgvin Karl við Austurgluggann eftir æfinguna.

Sami kjóllinn er notaður fyrir alla þá sem fá brottvísanir í leikjum Hattar. „Ég vil fá erfiðari kjól, einhvern sem lætur mann hafa fyrir að vera í honum,“ segir Björgvin Karl, sem sjálfur var í sektarnefndinni sem ákvað viðeigandi refsingar fyrir ýmis agabrot liðsins.

Einn þeirra sem hafa þurft í kjólinn er þjálfarinn, Njáll Eiðsson. Aðspurður um hvernig hann hefði tekið sig út í dressinu svarði Björgvin Karl: „Ég held að hann hafi komið betur út en ég.“

www.austurglugginn.is

mbl.is

Stjörnuspá »

Hrútur

Sign icon Þú þarft að temja sér meiri þolinmæði. Gakktu hægt um gleðinnar dyr. Verið viss um hvað þú vilt þegar þú ert spurð/ur.

Stjörnuspá »

Hrútur

Sign icon Þú þarft að temja sér meiri þolinmæði. Gakktu hægt um gleðinnar dyr. Verið viss um hvað þú vilt þegar þú ert spurð/ur.