Jackson sagður kynfaðir Blanket

Blanket með systur sinni Paris
Blanket með systur sinni Paris Reuters

Fram kemur á fæðingarvottorði Prince Michael II Jackson, yngsta sonar poppstjörnunnar Michael Jackson sem gengur undir gælunafninu ‘Blanket’, að Jackson sé kynfaðir hans. Þar kemur hins vegar ekki fram hver móðir drengsins er en það hefur aldrei verið gefið upp. 

Mikið hefur verið rætt um kynforeldra þriggja barna Jackson í kjölfar dauða hans þann 25. júní. Ljóst er að Debbie Rowe fyrrum eiginkona Jackson, er móðir tveggja elstu barnanna en tilgátur hafa verið uppi um að þau hafi verið getin með gjafasæði.

Hefur það ýtt undir slíkar sögusagnir hversu ljós börnin tvö eru á hörund. Þá þykir Rowe hafa gefið slíkt í skyn. Blanket er hins vegar dekkri yfirlitum en systkini hans. 

Nú hefur einn af vinum Jacksons staðhæft í viðtali við breska blaðið Daily Mirrorað Jackson hafi valið hjúkrunarkonu ættaða frá Mexíkó úr hópi kvenna, sem kynntar voru fyrir honum og greitt henni 20.000 Bandaríkjadollara fyrir að gefa egg og ganga með barnið. 

„Hann valdi Helenu vegna þess að hún var af rómönskum uppruna en einnig bandarískur ríkisborgari og fremur ljós á hörund. Hann kunni vel við hana af því að hún var aðlaðandi og virtist áreiðanleg og greind.”

Blanket fæddist á sjúkrahúsi í San Diego þann 21. febrúar árið 2002 og var þegar eftir fæðinguna afhentur Jackson.

mbl.is

Stjörnuspá »

Hrútur

Sign icon Eitthvað ólgar innra með þér sem þarf að fá útrás. Sértu eitthvað ósáttur við þann félagsskap sem þú ert í skaltu muna að það varst þú sem valdir hann í upphafi.

Stjörnuspá »

Hrútur

Sign icon Eitthvað ólgar innra með þér sem þarf að fá útrás. Sértu eitthvað ósáttur við þann félagsskap sem þú ert í skaltu muna að það varst þú sem valdir hann í upphafi.