Kvikmynd um Múhameð spámann í smíðum

Stórmynd um Múhameð spámann er á teikniborðinu, en Barrie Osbourne, sem framleiddi myndirnar um Hringadróttinssögu og The Matrix, er sagður ætla að framleiða kvikmyndina um spámanninn.

Hann segir í samtali við Reuters að um alþjóðlega stórmynd sé að ræða, sem sé ætlað að brúa bilið á milli ólíkra menningarheima.

Samkvæmt íslömskum reglum má ekki sýna myndir af spámanninum. Múslímar telja slíkt vera guðlast.

Tökur á myndinni, sem verður á ensku, munu hefjast árið 2011, en framleiðslukostnaðurinn er sagður nema 150 milljónum dala.   

Fyrirtækið Alnoor Holdings í Katar, sem stendur á bak við framleiðsluna, segist vilja fá alþjóðlegar stjörnur í aðalhlutverkin.

„Myndin mun fræða fólk um sannleikann um íslam,“ segir Osborne.

• 3 blogg um fréttina

Bloggað um fréttina

• Gunnar Th. Gunnarsson: Feita fíflið, Búddha
• Arnar: Þetta verður forvitnilegt
• Mofi: Hausar munu fjúka