Veröld/Fólk | mbl | 25.5.2010 | 21:41 | Uppfært 22:08

Erum í hamingjukasti

Mynd 1 af 18 Sunstroke Project og Olia Tira frá Moldavíu riðu á vaðið í undanúrslitunum með lagið Run Away. Reuters

Mynd 2 af 18 Rússneska sveitin Peter Nalitch og vinir flytja lagið Lost And Forgotten. Reuters

Mynd 3 af 18 Malcolm Lincoln frá Eistlandi syngur lagið sitt Siren. Reuters

Mynd 4 af 18 Kristina Pelakova frá Slovakia syngur lagið Horehronie. Reuters

Mynd 5 af 18 Aisha frá Lettlandi flytur lagið What For? Reuters

Mynd 6 af 18 Finnski sönghópurinn Kuunkuiskaajat flytur lagið Tyolki Ellaa. Reuters

Mynd 7 af 18 Serbinn Milan Stankovic syngur Ovo Je Balkan. Reuters

Mynd 8 af 18 Vukasin Brajic frá Bosníu og Herzegóvínu syngur Thunder And Lightning. Reuters

Mynd 9 af 18 Pólverjinn Marcin Mrozinski flytur lagið Legenda. Reuters

Mynd 10 af 18 Belginn Tom Dice með gítarinn sinn syngur Me And My Guitar. Reuters

Mynd 11 af 18 Thea Garrett frá Möltu flytur My Dream. Reuters

Mynd 12 af 18 Albanska söngkonan Juliana Pasha syngur It's All About You. Reuters

Mynd 13 af 18 Giorgos Alkaios og vinir hans frá Grikklandi flytja OPA. Reuters

Mynd 14 af 18 Gjoko Taneski frá Makedóníu flytur Jas Ja Imam Silata. Reuters

Mynd 15 af 18 Filipa Azevedo frá Portúgal syngur Ha Dias Assim. Reuters

Mynd 16 af 18 Sönghópurinn 3+2 frá Hvíta-Rússlandi flytur Butterflies. Reuters

Mynd 17 af 18 Hera Björk syngur Je Ne Sais Quoi. Reuters

Mynd 18 af 18 Norsku kynnarnir Haddy Jatou N'jie, Erik Solbakken og Nadia Hasnaoui í Telenor höllinni í Ósló. Reuters

Erna Hrönn Ólafsdóttir, Hera Björk Þórhallsdóttir og Heiða Ólafsdóttir á sviðinu í Ósló í kvöld. Reuters

„Þetta er dásamleg tilfinning. Þetta var það sem við þurftum. Við erum búin að vera vinna eins og skepnur fyrir þessu undafarnar vikur og mánuði, þannnig það er dásamlegt þegar maður uppsker eins og maður sáir. Þá er ekki hægt annað en að vera í hamingjukasti. Ég grét eins og fegurðardrottning; alt eftir bókinni," sagði Hera Björk Þórhallsdóttir söngkona.

Lag hennar og Örlygs Smára, Je ne sais quoi, var eitt 10 laga, sem komust áfram í úrslit úr fyrri undanúrslitum Eurovision söngvakeppninnar í Noregi í kvöld.

„Þetta er það sem til þurfti til að fá miðann inn í úrslitakeppnina og héðan í frá er þetta bara gleði frá upphafi til enda," sagði Hera Björk við mbl.is.

-Hvernig voru taugarnar þegar komið var að síðasta umslaginu?

„Ég hef haft svo góða tilfinningu fyrir þessu og svo var salurinn að hrópa: Áfram Ísland. Þannig það var ekkert annað í boði og ég vissi að við færum áfram. Mig grunaði að þetta yrði svona og að við kæmum upp síðust. Okkur er spáð góðu gengi, þá eiga þeir þetta til og keyra upp spennuna."

Hera Björk sagði, að eins og oft áður hefðu lönd frá austurhluta Evrópu virst vera sterkust þegar kom að atkvæðagreiðslunni. „En þetta segir okkur að við erum með gott atriði, grípandi lag og það er mikil leikgleði í hópnum sem er að skila sér til áhorfenda. Við höfum bara þrjár mínútur til að gera okkar besta og það er að skila sér."

-Hvernig var svo stemmingin í höllinni?

„Hún var alveg meiriháttar. Ég átti satt best að segja ekki von á svona miklum fagnaðarlátum, en þetta var alveg stórkostleg stund þegar við loksins stigum á svið."

-En ertu aldrei stressuð á sviði?

„Jú þegar ég hef kannski ekki æft nóg. En ég er svo vel undirbúin hérna og þá er þetta ekkert stress, bara gaman."