Albert fursti af Mónakó mun giftast unnustu sinni, Charlene Wittstock, í júlí á næsta ári. Þau munu ganga í það heilaga við borgaralega athöfn sem mun fara fram í höllinni 8. júlí. Daginn eftir verður svo haldin kirkjuathöfn. Greint hefur verið opinberlega frá þessu.
Albert, sem er 52 ára gamall, er sonur Rainier fursta og Hollywood-leikkonunnar Grace Kelly. Hann hefur haldið utan um stjórnartaumana í Mónakó frá árinu 2005, þegar faðir hans féll frá.
Wittstock, sem er 20 árum yngri en Albert, er suður-afrískur grunnskólakennari og sundkona. Hún hefur keppt á Ólympíuleikum.
Ekki liggur fyrir hvenær þau urðu par, en þau kynntust árið 200. Þau sáust opinberlega saman á vetrarólympíuleikunum sem fram fóru í Tórínó á Ítalíu árið 2006. Þau sáust einnig saman í brúðkaupi Viktoríu krónprinsessu í síðasta mánuði. Fjórum dögum eftir brúðkaupið var tilkynnt um trúlofun þeirra.