Goodman 45 kg léttari

Leikarinn John Goodman, sem hefur löngum verið ansi stórbeinóttur, hefur nú snúið við blaðinu og misst ein 45 kg.

„Ég veit að það hljómar bjánalega en þetta var alger sóun. Það fer mikil skapandi orka í að sitja á rassinum og ákveða hvað maður eigi að fá sér að borða næst... Ég vildi lifa betra lífi,“ segir leikarinn í viðtali við tímaritið People.

Goodman, sem er 58 ára gamall, náði betri heilsu með hjálp einkaþjálfarans Mackie Shilstone, sem hefur þjálfað ófáar stjörnur í gegnum árin, meðal annars tennisstjörnuna Serenu Williams.

Goodman neytir nú ekki áfengis, sneiðir hjá öllum sykri og æfir sex sinnum í viku. Shilstone segir leikarann vera himinlifandi yfir árangrinum.

og John Goodman áður en hann tók sér tak. reuters