Breska leikkonan Kate Beckinsale mun leika á móti Mark Whalberg í endurgerð íslensku spennumyndarinnar Reykjavík-Rotterdam. Baltasar Kormákur mun leikstýra Hollywood útgáfunni, sem kallast Contraband.
Það var Óskar Jónasson sem leikstýrði Reykjavík-Rotterdam. Baltasar lék hins vegar aðalhlutverkið í myndinni auk þess að framleiða hana.
Myndin fjallar um öryggisvörð sem á í fjárhagslegum vanda. Til að bjarga sér út úr vandræðunum ákveður hann að fara eina ferð með fragtskipi og smygla til að rétta úr kútnum.