Veröld/Fólk | Morgunblaðið | 8.7.2011 | 5:30 | Uppfært 6:06

„Aldrei séð annað eins á ævinni“

Björk á þönum í Manchester.

„Ég hef aldrei séð annað eins á ævinni,“ sagði Arnar Eggert Thoroddsen, blaðamaður Morgunblaðsins, eftir tónleika Bjarkar Guðmundsdóttur í Biophiliu-tónleikaröðinni á listahátíðinni Manchester International Festival í gærkvöldi.

„Hún er komin á stall með Stockhausen og Bítlunum sem frumkvöðull. Það er ekki hægt að lýsa því með orðum hvert hún er að fara, og ótrúlegt hvernig hún nær að vinna með alla þessa tækni sem við höfum í dag, búa til einhverja tónlist sem er fáránlega „artí“ en aðgengileg um leið.“

Arnar sagði framsetningu Bjarkar með ólíkindum og spennan í salnum var þvílík að hægt hefði verið að skera hana með hníf. Lesa má nánar um tónleika Bjarkar í Sunnudagsmogganum sem fylgir með Morgunblaðinu á morgun.