Tónlistarmaðurinn Elvis Costello er kominn til landsins en hann heldur tónleika í Eldborg í Hörpu annað kvöld kl. 20. Þetta verða síðustu tónleikar hans í tónleikaferðalagi sem hófst á síðasta ári.
Hann gerði hlé á tónleikaferðalaginu þegar faðir hans veiktist í fyrra, en hann lést í desember sl. Costello ætlaði upphaflega að halda tónleika í Hörpu 21. nóvember sl.
Fram kemur í tilkynningu frá Concert, sem skipuleggur tónleikanna, að Diana Krall, eiginkona Costello, sé einnig væntanleg til landsins í dag.
Costello hefur áður heimsótt Ísland, en árið 2003 kom hann til landsins með Crall sem hélt tónleika í Laugardalshöll. Concert hefur síðan unnið að því leynt og ljóst að fá hann til landins, að því er segir í tilkynningu.