Kallað var eftir aðstoð sjúkraliða eftir að Lindsay Lohan fannst meðvitundarlaus í svítu á Ritz-Carlton-hótelinu í Los Angeles í dag.
Lohan er núna í tökum á Hollywood-myndinni um Elizabeth Taylor og hafði hún unnið stanslaust í nær tvo daga. Talið er að ofþreyta hafi valdið meðvitundarleysinu.
Ekki fékkst staðfest hvort hún hafi farið á spítala en sjúkraliðar sáu um að hlúa að henni þar til þeir voru þess fullvissir að ekkert frekar amaði að leikkonunni.
Lohan var í síðustu viku flutt á spítala eftir að hún lenti í árekstri við flutningabíl. Lohan var á Porsche-bíl sínum á hraðbraut í Los Angeles þegar hún rakst á stóran 18 hjóla flutningabíl.