Ferðalag til Íslands vekur athygli

Myndin var frumsýnd í gær en hún er í flokknum Next á hátíðinni. Það eru Martha Stephens og Aaron Katz sem skrifa handrit myndarinnar og leikstýra henni en þetta er í fyrsta skipti sem þau eru með mynd á Sundance.

Í Land Ho! er fjallað um ferðalag tveggja karla, sem áður voru mágar, til Íslands, samkvæmt umfjöllun LA Times. Það var Stephens sem átti hugmyndina að því að aðalpersónur myndarinnar færu í ferðalag til Íslands. Aðstandendur myndarinnar voru fimm og hálfa viku á Íslandi, þar af þrjár og hálfa viku við tökur.  Stephens þekkti til Íslands og það var auðvelt að selja Katz hugmyndina.