Pollapönkarar og Wurst í kjól
Pollapönkararnir frá Íslandi skelltu sér í kjól í gærkvöldi áður en þeir óskuðu Conchitu Wurst frá Austurríki til hamingju með sigurinn í söngvakeppninni. Pollapönkararnir eiga líka það sameiginlegt með Wurst að vera skeggjaðir.
Vel fór á með Conchitu Wurst og Pollapönkurunum í gærkvöldi. Dragdrottningin var í talsverðu uppnámi þegar úrslitin í keppninni lágu fyrir en var í ágætu jafnvægi þegar hún hitti Íslendingana.
Það lítur út fyrir að skeggjaðir karlar í kjól eigi eftir að verða tískufyrirbæri. A.m.k. skellti breski leikarinn og grínistinn Russel Brand sér í kjól þegar hann horfði á keppnina.
